පුංචි පැහැදිලි කිරීමක්!
මේක මේ සෑහෙන්න දවසක් තිස්සේ ලියන්න උන්න දෙයක්,
අදත් මේ කතාවට අදාල දෙයක් දැක්ක නිසයි මේක හදිස්සියෙම ලියලා දාන්න හිතුනේ.
කණගාටුයි කියන්න,
තාමත් ලංකාවේ සමහරු හිතන් ඉන්නවා ලංකාවේ ක්‍රිකට් ටීම් එක නඩත්තු වෙන්නේ ජනතා බදු මුදලින් කියලා!
ඒක ඇත්තද?
මෙහෙමයි,
වාර්ෂික අයවැයෙන් ක්‍රිකට් ක්‍රීඩාව වෙනුවෙන් යම් මුදලක් වෙන්කරනවා.
හැබැයි ඒ ප්‍රධානවම පාසල් ක්‍රිකට් ක්‍රීඩාවේ උන්නතිය හා සමගාමී ක්‍රියාකාරකම් වෙනුවෙන්.
ජාතික කණ්ඩායම ඇතුළු කාර්‍ය මණ්ඩලය නඩත්තු වෙන්නේ ක්‍රිකට් පාලක මණ්ඩලයේ ප්‍රාග්ධනයෙන්.
ක්‍රිකට් පාලක මණ්ඩලයට දේශපාලනය කියන දේ සෘජුවම සම්බන්ධ වෙන්න බැහැ කියලා දන්න අය දන්නවා.
සිම්බාබ්වෙට උන දේ මතකනේ?
අපේ ක්‍රිකට් පාලක මණ්ඩලයට ප්‍රාග්ධනය ගලා එන ක්‍රම රාශියක් තියෙනවා.
1. රූපවාහිනී,රේඩියෝ විකාශන අයිතීන් හා අන්තර්ජාලයේ තරඟ විකාශනය කිරීමෙන් ලැබෙන මුදල්.
2. පූර්ණ සාමාජිකත්වය හිමි රටක් වශයෙන් ජාත්‍යන්තර ක්‍රිකට් ක්‍රීඩා තරඟවල නියැලීම වෙනුවෙන් අන්තර්ජාතික ක්‍රිකට් කවුන්සිලය මගින් ලබාදෙන මුදල්.
3. Sponsorships එහෙමත් නැත්නම් විවිධ අනුග්‍රාහකයින්ගෙන්,
නිළ සන්නාම නියෝජනය කිරීම වෙනුවෙන් ලැබෙන මුදල්.
4.තරඟ අවසරපත් විකිණීම මගින් ලැබෙන මුදල්.
5.තරඟ/තරඟාවලි ජයග්‍රහණය කිරීම වෙනුවෙන් ලැබෙන මුදල්.
මේ ටිකක් විතරයි.
තව ගොඩක් ක්‍රම තියෙනවා.
කෙනෙක් ක්‍රිකට් බලන්නේ නැත්නම් ඒ කෙනාගේ සල්ලි මහලොකු ගාණක් ක්‍රිකට් වලට යෙදවෙන්නෙත් නෑ.
බලනවනම් කිව්වේ ග්‍රවුන්ඩ් එකට ගිහිල්ලා.
ගෙදර ඉඳන් බැලුවොත් චැනල් එකට ගෙවන ගාන තමයි.
ඒ නිසා කියන්නන් වාලේ ඔහේ රැල්ලට අපේ සල්ලි උඹලා ක්‍රිකට් ගහලා නැතිකරනවා කියලා කියන්න එපා.
එහෙම කියන්නම ඕන නම්
ඕන්න ඕක ගැන නොදන්න අය ඉස්සරහ ඒක කිව්වට කමක් නෑ!
හැබැයි හරි විස්තර දන්න කෙනෙක් ඉස්සරහ කිව්වොත් රෙද්ද වැලේ!
- හේලිත හෙට්ටිආරච්චි -
