ක්‍රිකට් ක්‍රීඩාවේදි රතු,රෝස,සුදු ලෙදර් පන්දු භාවිතා කරන අයුරු ඔබ සියළුදෙනාම දැක ඇති බවට කිසිම සැකයක් නැත!
එහෙත් ඔබට හුරුපුරුදු ඒ ලෙදර් පන්දුවල හැඩයට සැකසූ 'දියමන්ති පන්දුවක්' කවදා හෝ ඔබ දැක තිබෙනවාද?
ඉහළ ඡායාරූපයේ ඇත්තේ ඒ අයුරින් දියමන්ති හා රත්‍රන් යොදා නිමකරන ලද ප්‍රථම ක්‍රිකට් පන්දු අනුරුව වන අතර මෙය සාමාන්‍ය ක්‍රිකට් පන්දුවේ ප්‍රමාණයට 100%ක්ම සමානය.
මෙම ක්‍රිකට් පන්දු අනුරුව දියමන්ති 2704ක් හා කැරට් 18 රත්‍රන් භාවිතා කොට නිමවා ඇත්තේ ඔස්ට්‍රේලියානු ස්වර්ණාභරණ සමාගමක් වන 'ෆියෝ ඩ්‍රිසාජ්' නම් සමාගමේ ශාඛාවක් 2004 වසරේදි මෙල්බර්න් නගරය තුල විවෘත කිරීම වෙනුවෙනි.
පසුකාලීනව ගිනස් වාර්තාපොතට පවා එක් වූ මෙම දියමන්ති ක්‍රිකට් පන්දු අනුරුවේ බර කැරට් 53.83ක් වන අතර,
ග්‍රෑම් 125ක පිරිසිදු රත්‍රන් දාරයක්ද මෙහි අන්තර්ගත වී ඇත.
එපමණක් නොව,
නාසා ආයතනය අභ්‍යාවකාශ යානා නිපදවීමේදි භාවිතා කරන විරල ගණයේ අමුද්‍රව්‍යයක් මෙම ක්‍රිකට් පන්දු අනුරුව මත දියමන්ති රැඳවීමට යොදාගෙන තිබීමද විශේෂත්වයකි.
ඒ සියල්ලටම වඩා සුවිශේෂි කරුණ නම්,
මෙම අනුරුව නිෂ්පාදනය කර ඇත්තේ
ශ්‍රී ලංකාව නම් වන අප මව්බිමේ වීමත්,
ඒ පිළිබඳව හාංකවිසියක්වත් අප නොදැන සිටීමත්ය.
- - හේලිත හෙට්ටිආරච්චි -
No comments:
Post a Comment