- නීති ලේන්සුව -

ක්‍රිකට් යනු වසර 500කට වඩා පැරණි ඉතිහාසයක් ඇති,

කාලයත් සමඟ කෙමෙන් කෙමෙන් වැඩිදියුණු වූ සංකීර්ණ ගණයේ ක්‍රීඩාවකි.

කාලාන්තරයක් තිස්සේ පරිණාමය වී වර්තමානය වන විට ක්‍රිකට් යනු,

- නිරවද්‍යතාව තහවුරු කිරීම සඳහා අධි තාක්ෂණික ක්‍රම භාවිතා කරන, 

- නීති හා රීති සිය දහස් ගණනින් භාවිතාවට ගන්නා,

- තරඟ විනිශ්චයකාරීත්වයට පවා අහියෝග කිරීමට අවස්ථාව ලබාදෙන,

ක්‍රීඩාවක් බවට පත් වී ඇත...!

කෙටියෙන්ම සඳහන් කරතොත වර්තමානය වන විට ක්‍රිකට්, 

නිසි මූලික දැනුමක් නොමැති ආධුනිකයෙකුට එකවර සරළව තේරුම් ගත නොහැකි තරම් සංකීර්ණ ක්‍රීඩාවක් බවට පත් වී ඇත...!

වර්තමාන වාතාවරණය එසේ වුවද,

ක්‍රිකට් ක්‍රීඩාව ආරම්භ කල මුල්ම අවදියේදි මෙතරම් නීති ප්‍රමාණයක් සම්පාදනය වී නොතිබුණු බව අමුතුවෙන් පෙන්වා දී කිවයුත්තක් ලෙස සැලකිය නොහැක.

අද මෙන් නොව,

ක්‍රීඩාවේ මූලික සමතුලිතතාවය පවත්වාගැනීම වෙනුවෙන් සම්පාදනය කල අතැඟිලි ගණනටත් වඩා අඩු ඉතා සරළ නීති හා රීති ප්‍රමාණය පවා සම්මතකරණය කිරීමේදි නිතරම විවිධ ගණයේ ගැටළු හා අපහසුතා වලට මුහුණදීමට එකල ක්‍රිකට් ක්‍රීඩාවට සම්බන්ධව ක්‍රියා කල ක්‍රීඩකයන්ට හා නිළධාරීන්ට සිදු වී ඇත.

මින් ප්‍රධාන ගැටළු වී ඇත්තේ,

පිටියේ පන්දු රකින්නන් රඳවන ස්ථාන නිසියාකාරව මතක තබාගැනීම ක්‍රීඩකයින්ට අපහසු වීමත්,

ක්‍රිකට් ක්‍රීඩාව වෙනුවෙන් සම්පාදනය කල මුල්ම නීති 6 පවා නිතරම ක්‍රීඩකයන්ට අමතක වීමත්ය.

දිගින් දිගටම ඇති වූ මෙම ගැටළු වලට පිළියමක් ලෙස,

1744 වසරේදි සෙන්ටිමීටර් 70*70 ක් වූ ලේන්සුවක් නිර්මාණය කරනු ලැබ ඇත!

මෙම ලේන්සුවේ ඇති ප්‍රධාන විශේෂත්වයන් වන්නේ,

- ක්‍රිකට් ක්‍රීඩාවේදී භාවිතා කල මුල්ම නීති 6 මෙම ලේන්සුවේ අග දාරයන් වල දක්වා තිබීමත්,

- ක්‍රිකට් ක්‍රීඩාව ආරම්භ වූ මුල් කාලයේදි භාවිතා වූ පන්දු රැකීමේ ස්ථාන සියල්ලම රූපසටහනක් ආධාරයෙන් මෙහි නිවැරදිව දක්වා තිබීමත්ය.

නිෂ්පාදන කටයුතු අවසන් වූ පසු එකල එංගලන්තයේ සිටි සියළුම ක්‍රිකට් ක්‍රීඩක‍යන්ට මෙම ලේන්සුව බැගින් ලබා දී ඇති අතර,

මා ඉහත සඳහන් කල,

ක්‍රීඩකයින් පිටියේදි මුහුණදුන් ගැටළු හා අපහසුතාවයන් අවම කරවීමට මෙම ලේන්සු බෙදාදීමේ කර්තව්‍යය මහඟු ලෙස දායක වී ඇත!

 

අපගේ වාසනාවකට අදින් වසර 245කට පෙර එනම් 1744 වසරේදි නිෂ්පාදනය කර බෙදාදුන් මෙම ලේන්සු වලින් ලේන්සු 3ක් තවමත් සුරක්ෂිත ලෙස ඉතිරිව ඇති අතර,

- ඉන් එක ලේන්සුවක් ලෝඩ්ස් ක්‍රීඩාගාරයේද,

- තවත් ලේන්සුවක් මෙල්බර්න් ක්‍රීඩාගාරයේද,

- ඉතිරි ලේන්සුව නම සඳහන් නොවන පුද්ගලයෙකුගේ පෞද්ගලික එකතුවකද,

තබා ඇත.

- හේලිත හෙට්ටිආරච්චි -