• මැතිව් හේඩ්න්
මුරලිගේ එක පන්දුවකට මුහුණදෙන එක හරියට
නිකන් එකපාරකට පන්දු 14කට මුහුණ දෙනවා වගේ භයංකාරයි.
අපිට මුහුණ දෙන්න සිද්ධ වුණු ප්‍රතිවාදි පන්දු යවන්නන් හැමදෙනෙක්ම අතරින් වැඩිම වාරයක් අපේ කතාබහට ලක්වුන පන්දු යවන්නා වෙන්නේ මුරලි.
මුරලිගේ පන්දුවලට පහරදෙන්නේ කොහොමද කියන එක ඒ තරම් අමාරු ප්‍රශ්නයක්.
මුරලි කියන්නේ අතිදක්ෂයෙක්,
මගේ සම්පූර්ණ ගෞරවය මම ඔහුට ලබාදෙනවා!
• කුමාර් සංගක්කාර
මුරලි අනිත් කණ්ඩායම් වල පිතිකරුවන්ව මෝඩයා කරපු අවස්ථා ගොඩක් තියෙනවා,
හැබැයි මුරලිගේ පන්දු වලට කඩුළු රැකපු මම මෝඩයෙක් උන අවස්ථා ගාණ ඊටත් වඩා වැඩියි!
• ජස්ටින් ලැන්ගර්
මුරලි පන්දු යවනකොට පන්දුව එන්නේ 'Magic Dust ' එකක් අහසින් පියාඹගෙන එනවා වගේ!
මුරලි පිටදඟ පන්දු යවන්නෙක් නිසා පන්දුව යන්නේ
මේ පැත්තටයි කියලා මගේ හිත දන්නවා,
ඒත් මුරලිගේ අත දැක්කම මට ආයෙත් හිතෙනවා මුරලි එවන්නේ පාදඟ පන්දුවක්,
ඒ නිසා පන්දුව යන්නේ අනිත් පැත්තටයි කියලා.
ඉතින් ඔය දෙක එකට පැටලිලා පන්දුවට පහර දෙන්න බලාගෙන ඉන්න මගේ ඔළුව විකාර වෙනවා.
අනිත් පන්දු යවන්නෝ හැමදෙනාටම වඩා මගේ නින්ද නැති කරපු පන්දු යවන්නා තමයි මුරලි!
• මයිකල් ඇතර්ටන්
දක්ෂ ක්‍රීඩකයින් කිහිපදෙනෙක්ම ශ්‍රී ලංකාව වෙනුවෙන් ක්‍රීඩා කලා උනත් ටෙස්ට් ක්‍රිකට් ක්‍රීඩාව ගැන කතාකරනවා නම්,
ශ්‍රී ලංකාව ශක්තිමත් ටෙස්ට් කණ්ඩායමක් විදියට සලකන්න මූලිකම හේතුව උනේ මුරලි!
• සක්ලේන් මුෂ්ඨාක්
ඔස්ට්‍රේලියාවයි,ශ්‍රී ලංකාවයි තිබුණේ අහසයි,
පොළවයි වගේ වෙනස් තැන් දෙකක.
එහෙම බලනකොට මුරලි ගියපු දුර ගැන
මට නම් විශ්වාස කරන්නත් බැහැ,
ශේන් වෝන්ගෙන් මම ගොඩක් ඉගෙනගෙන තියෙනවා, ඒ වගේම ශේන් වෝන්ට මම ගොඩක් ගරු කරනවා,
ඒත් මගේ වීරයා මුරලි!
• විරේන්ද්‍ර ශෙවාග්
පන්දුවට පහරදෙන වෙලාවෙදි මාව බයකරපු එකම පන්දු යවන්නා මුරලි.
මුරලි යවන පන්දුවලට මුහුණ දෙන පිතිකරුවෙක්ට ඒ වෙලාවෙදි හිතෙන්නේ තමන්ගේ අවසාන මොහොත උදාවෙලා 'මෝත් ආයා මුරලිදරන්' කියන එක තමයි.
• මයිකල් හසී
සාමාන්‍යයෙන් මුරලිගේ පන්දුවලට මුහුණ දෙන්න
මම නම් හරිම බයයි,
ඒකට හේතු කීපයක්ම තියෙනවා!
- පළවෙනිම හේතුව එයාගේ ඇස්,
ඔයාලා දන්නවා පන්දු යවනකොට එයාගේ ඇස් කොච්චර ලොකු වෙනවද කියලා?
- දෙවෙනි හේතුව තමයි පන්දුව මොන පැත්තට දඟකැවෙයිද කියන එක තෝරගන්න එක,
ඒක හරිම බියජනකයි.
- ඊළඟ හේතුව පන්දුව දඟකැවිලා පිත්ත ලඟට එනකොට ඇහෙන ශබ්දය,
මුරලිගේ පන්දුවලට මුහුණදෙන වෙලාවෙදි ඕනම කෙනෙක්ට අනිවාර්යයෙන්ම පන්දුව දඟකැවෙන 'ර්ර්ර්ර්..' කියන ශබ්දේ ඇහේවි.
- අවසාන හේතුව තමයි පිතිකරුවා ළඟම ඉන්න ශ්‍රී ලංකා පන්දු රකින්නන්ගේ කච කච ශබ්දේ.
මුරලි පන්දු යවනකොට අනිවාර්යයෙන්ම ශ්‍රී ලංකා පන්දු රකින්නෝ රොත්තක් පිතිකරුවා වටේ ඉඳන් පන්දු රකිනවා.හැමවෙලේම වගේ පිත්තේ අග පන්දුව වැදිලා උඩපන්දු විදියට එයාලගේ අතට යනවා.
මුරලිගේ පන්දු වලට මුහුණ දෙන එක ලොකු අභියෝගයක්!
අන්තර්ජාලය ඇසුරෙනි.
- හේලිත හෙට්ටිආරච්චි -
No comments:
Post a Comment