"අඩේ මේකත් කයි වගේ මචං,
මෙහෙම ගිහින් අපේ ක්‍රිකට් නැත්තටම නැතිවේවිද..?"
ඊයේ දවසෙදි විතරක් ඔය ප්‍රශ්නේ කී සැරයක් නම් ඇහෙන්න ඇතිද?
"අපෝ අපේ උන් නම් අප්පිරියයි..!"
කියලා කීසැරයක් නම් හිතෙන්න ඇතිද?
මේක ලියන මටත් උඹලා හැමෝටම වගේම තමයි,
වෙලාවකට නම් මේ ක්‍රිකට් කියන බඩකඩිත්තුව
'තූ නොදකින්' කියන තරමට අප්පිරියම වෙනවා!
ඒත් ඉතින් කෙලවෙන වෙලාවට එහෙම උනාට,
මෙහෙම නෙවේ තව කොච්චර පැරදුනත් ශ්‍රී ලංකා ක්‍රිකට් කියන දේ අතාරින්න නම් මට බැරිවෙයි!
මට වගේම කියවන උඹලගෙන් බහුතරයකටත්,
ශ්‍රී ලංකා ක්‍රිකට් එක්ක තියෙන්නේ අසමසම බැඳීමක් කියන එකත් මම හොඳටම දන්නවා.
අනාගතේ දවසකදි ක්‍රිකට් සදහටම අතාරින්න ඕන කියලා නිකමට හිතුනා කියමුකෝ!
අතෑරගන්න පුළුවන්ද?
මීට සෑහෙන කාලෙකට කලින්ම,
ගලවන්න බැරි තරමින්,
අපි ක්‍රිකට් වලට බැඳිලා ඉවරයි!
අපි බහුතරයක් දෙනා යාන්තං දණගාන කාලේ ඉඳලා අද වෙනකන් ගතවුනු තමන්ගේ මුළු ජීවිතකාලෙදිම,
ක්‍රිකට් වලින් ඈත්වෙලා,
ක්‍රිකට් අතෑරලා දාලා,
ඉඳලා නෑ!
ක්‍රිකට් කියන්නේ,
හරියට නිකන් අපේ ලේ නෑයෙක් වගේ කවදාවත් ගලවන්න බැරිතරමට අපිටම බද්ධ උන දෙයක්!
බහුතරයක් අය එහෙම උනාට මම මේ කතාව ලියන වෙලාවෙදිත්,
- කාලයක් තිස්සේම ලංකාවේ ක්‍රිකට් ඉවරයි ආය කවදාවත්ම ගොඩගන්න බෑ කියලා හිතාගෙන ඉන්න,
- මෙච්චර කාලයක් අමාරුවෙන් අල්ලන් ඉඳලත් දැන් දැන් මේ වෙන දේවල් දැකලා අළුතින් එහෙම හිතන්න පටන් ගත්ත අයත්,
සැලකිය යුතු තරමින් අපේ ෆෑන්බේස් අස්සේ අපිත් එක්කම ඉන්නවා කියන එකත් ඉතින් ආය පුදුම වෙන්න කාරණයක් එහෙම නම් නෙවෙයි!
එහෙම වෙන එක අසාධාරණයි කියන්න බෑ!
පරදිනකොට දුකයි තමයි,
පරදින වෙලාවට තරහා ගියාට,
අපේ උන්ගේ ඊළඟ ටුවර් එක පටන්ගත්තම,
"මේකවත් ගහපියව් යකුනේ"
කිය කිය අපි ආයෙත් බලන්න පටන්ගන්නවා!
සාමාන්‍යයෙන් ලංකාවේ ක්‍රිකට් වලට ඇත්තටම ආදරේ ෆෑන් කෙනෙක් නම් කරන්නේ අපේ උන් මේ වැටිලා ඉන්න තැනින් ගොඩ ගන්න එකට ෆෑන්ස්ලා විදියට අපි මොනාද කරන්න ඕන කියලා හිතලා තමන්ට පුළු පුළුවන් විදියට උදව්වක් කරන එක,
නැතුව තමන් අකමැති ප්ලේයර්ස්ලට කෙලවෙනකන් ඉඳලා 'හූ ඇද්ද' කිය කිය ඇරියස් කවර් කරන එක නෙවෙයි.
සමහරුන්ට නම් මෙහෙම කිව්වම රිදෙයි!
මැච් පරදිනකොට කෙනෙක්ට හිතෙනවනම් ටීම් එකේ සෙල්ලම් කරන අයට ගරහන්න,
මහා අසික්කිත විදියට මඩ ගහන්න,
ශ්‍රී ලංකා ක්‍රිකට් කියන දේට වෛර කරන්න,
අන්න එහෙම අය ලංකාවේ ක්‍රිකට් බලන්න එපා!
කැමති වෙන ඕන රටකට සපෝට් කරගන්න,
හැබැයි එහෙම කියලා අරුන් මෙහෙමයි ගහන්නේ අපේ උන් මෙහෙමයි ගහන්නේ ගගා වැලලෙන්ඩත් එපා!
තමන්ට ක්‍රිකට් වලට ආසාව ඇතිකරපු තමන්ගෙම රටේ ක්‍රිකට් වලට අමාරු කාලෙදි අතාරින්න තරම් ගුණමකු ෆෑන්ස්ලගෙන් මෙලෝ වැඩක් නෑ!
බුකියේ උඩ පහල යනකොට පේනවා අපේ සමහරක් අය තමන්ට ක්‍රිකට් එපා වේගෙන එද්දි අහක ඉන්න අනිත් අයටත් බලෙන් ක්‍රිකට් එපා කරවන්න හදනවා!
මඩ ගහන වැඩවලට සම්මාදම් ගන්නවා!
එක එක ප්ලේයර්ස්ලා කාලෙන් කාලෙට ෆේල් වෙනකොට,
"අනේ මූ වාහනේකටවත් යටවෙලා මැරිලා යන්නෑනේ..!!"
කිය කිය සාප කරනවා!
මේ හොඳ වැදගත් ඉගෙනගත්ත උදවිය,
ක්‍රීඩාවක් නිසා තිරිසන්නු වගේ හැසිරෙන්නේ..!
අර කතාවට කියනවා වගේ,
ජයග්‍රහණයට පියවරු ඉසේ කෙස් ගාණට හිටියත්,
පරාජය කියන්නේ හැම වෙලේම අවජාතකයෙක්..!!!
'අවජාතකයා' වගේ වචනයක් මෙතනදි පාවිච්චි කලාට මට සමාවෙන්න!
හැබැයි ඒ වචනේ කිව්වේ නැත්නම් මට මෙතනදි කියන්න ඕන දේ කියවෙන්නෙත් නෑ,
මේක කියවන අයට මම කියන්න හදන දේ එහෙමට දැනෙන එකකුත් නෑ!
ක්‍රිකට් එපාවෙච්ච,දැන් දැන් එපා වේගෙන එන හැමෝම එක දෙයක් හොඳට මතක තියාගන්න!
පරදින එක බලන්න බැරිකම නිසා සෙල්ලම් කරන අයට බලු බැනුම් බැනලා ශ්‍රී ලංකා ක්‍රිකට් අතාරින කෙනෙක්ට,
දැනට හොඳට සෙල්ලම් කරන වෙන රටකට සපෝට් කරන ගමන් අපේම රටට ගරහන කෙනෙක්ට,
"කවමදාකහරි අපි ආයෙත් ඉස්සර වගේ ක්‍රිකට් ලෝකේ හොල්ලන්න පටන්ගත්ත දවසකට...!"
ආපහු රෙද්දක් ඇඳගෙන ඇවිත් හුරේ දාන්න අයිතියක් තියෙන්න කොහෙත්ම විදියක් නෑ!
දිනනකොට විතරක් සපෝට් කරනවා නම් එහෙම ෆෑන්ස්ලා මොනම ක්‍රීඩාවකටවත් ඕනේ නෑ!
අපේ රටේ ක්‍රිකට් මැරිලා නෑ,
එහෙම මැරෙන්නෙත් නෑ,
ටැලන්ට් එක ඕන තරම්,
හැබැයි තාමත් සිස්ටම් එක අවුල්,
ප්‍රේක්ෂකයන් විදියට එකතුවෙලා ඒක වෙනස් කරන්න පුළුවන් නම්,
ක්‍රිකට් පරිපාලනයට පැලැස්තර වෙනුවට ස්ථාවර ක්‍රමවේදයක් එනවනම්,
අන්න ඒක තමා අපේ නියම ජයග්‍රහණය!
මේ තියෙන විදියටනම්,
අනිවාර්යයෙන්ම ගොඩ එන්න යම් කාලයක් යනවා,
ඒත් මේ පකිස්තාන් ටුවර් එකේ උනත් ගන්න පොසිටිව් දේවල් ගොඩක් තියෙනවා.
අනාගතේදි ශ්‍රී ලංකා ක්‍රිකට් අනිවාර්යයෙන් ධනාත්මක විදියට වෙනස් වෙනවා කියන එක නම් ඒකාන්තයි.
එතකන් ඉවසන් ඉන්න බැරිනම් අඩුමගානේ ගරහන එකවත් නතර කරගන්න,
ප්ලේයර්ස්ලට ගැරහුවා කියලා අපේ ක්‍රිකට් දියුණුවෙන්නේ නෑ,
දැනට අපේ ක්‍රමවේදයේ තියෙන අඩුපාඩු නිතරම පෙන්නලා දීලා ඒවා අවම කරවාගන්න බලධාරීන්ට ප්‍රේක්ෂකයන් විදියට නිසි ආකාරයෙන් බලපෑම් කරන තමයි අපෙන් වෙන්න ඕන හොඳම දේ.
අනිත් දේ ෆේල් උනාම මොනම ප්ලේයර්
කෙනෙක්වවත් පාච්චල් කරලා,
එක එක ගොන් ආතල් හද හද තම තමන්ගේ බුකී වෝල් වල දාලා ටීම් එකට කිංඩියට හිනාවෙන්න කෝචොක් කරන්න අපි කාටවත් අයිතියක් නෑ.
මොකද අපිට ටීම් එකේ ඉන්න අයට වඩා ක්‍රිකට් ගහන්න පුළුවන් නම් මෙහෙම බුකියේ කොට කොට ඉන්න වෙන්නේ නෑනේ.
වැරදියට ගන්න එපා,
සාධාරණ විවේචනය අනිවාර්යයෙන්ම දෙයක් වැඩිදියුණු වෙන්න අවශ්‍යයි,
ඒක අපි අනිවාර්යයෙන්ම කරන්න ඕන දෙයක්!
ගරහන්න,මඩගහන්න,අපේම උන්ට හිනාවෙන්න එපා!
දුර්වල තැන් හදාගමු,
තව තව අපේම උන්ව වලටම තල්ලු නොකරමු!
ජයවේවා!
- හේලිත හෙට්ටිආරච්චි -
